Tujhse hi…

Tujhse hain shabnami raat, zindagi hain tujhse meri

Tujhi se suhaani yeh sham, Tumhi ho bandagi meri

Har lamha jiska intezaar tha, zehen mein jiski justujoo,

Tujhme hi paaya hain humne, har dua mein thi jiski aarzoo

Jhuki palkon se tujhe dekha tha, nigaahon mein basgaye the tum..

Palkon se chupke, dheeme dheeme, dil mein utargaye ho tum..

Tujhse nigaahein milti hain, ek aah si dil mein uth ti hain..

Teri nazron ke berukhi se phir, dil mein dard sa hota hain…

Tujhe haste hasaate dekh, hum bhi muskuraalete hain…

Kisi gair par tere nazre dekh, phir dil mein jalan si hoti hain..

Tujhse koi shiqwa nahi, naa hi koi shiqaayat hain

Tujhe toh shaayad khabar hi nahi, Kis had tak tujhe hum chaahte hain…

Deb

Hasrat

Ek kashmakash si hain zehen mein, Hasrat bhi hain aur darr bhi

Hasrat yeh hain ki tumhe dekhe, tumhe chaahe,

Tumse yeh kahe tumse mohabbat hain

Tumhaare saath kuch aisa lagta hain

Jaise phir se jee uthe hum…

khabar hi nahi thi ki jee nahi rahe the hum

tumhaare bina ek adhoorapan,

bheed mein tanhaayi ka aalam

har anjaane chehre mein tumko dhoondlete hain hum

kaash kabhi hum tumse yeh keh paate

tumhaare kaapti huyi labon ko chooke

ki tumse door hum reh na paayenge

ki tumse alag hum jee na paayenge

Deb